Husn Bezaar Hua Kya Ki Hunar Khatm Huaa

Husn Bezaar Hua Kya Ki Hunar Khatm Huaa

husn bezaar hua kya ki hunar Khatm huaa
aayaa palkoN pe to aaNsoo ka safar Khatm huaa
mere sach ne hi akelaa mujhe kar ke chhorda
raftaa-raftaa mera logon pe asar Khatm hua
zindagi tune ajab jang ka maidaan diya
main na zindaa hi bachh aur na Dar Khatm hua
umr bhar tujh se bichharhne ki kasak hi na gayi
kaun kahtaa hai muhabbat ka asar Khatm huaa
nayi ”colony” me bachhon ki zidein le to gayi
baap-daada ka banaaya huaa ghar Khatm huaa
jaa, hamesha ko mujhe chod ke jaane vaale
tujh se har lamha bichharhne ka to Dar Khatm huaa

By – unknown poet 
Post By – Bhavna Singh

Share This Article:

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>